Fərid Allahverdiyev : "Biz ora böyük heyətlə yollanacayıq" - EKSKLÜZİV MÜSAHİBƏ

90deqiqe.az xəbır verir ki, bu sözlər Azərbaycan Kapoeyra Federasiyasının kiçiklərdən ibarət yığma komandasına rəhbərlik edən məşqçi, həmçinin Kapoeyra üzrə dünya çempionu, dəfələrlə yerli və beynəlxalq yarışların qalibi  olan və hazırda da idmançı kimi növbəti beynəlxalq turnirə hazırlaşan Fərid Allahverdiyevə məxsusdur. Təcrübəli idmançı cari ilin may ayında Macarıstanın Budapeşt şəhərində təşkil oliunacaq Avropa çempionatına böyük heyətlə yollanacaqlarını söyləyib:

"Dünya Kapoeyra Federasiyasının təşkilatçılığı ilə, may ayında Macarıstanın Budapeşt şəhərində Avropa çempionatı baş tutacaq. Azərbaycan Kapoeyra federasiyası bütün yarışlarda fəal iştirak etdiyi üçün biz ora böyük heyətlə yollanacayıq. Balacalardan böyüyə kimi 15 16 nəfərlik komandamızla  Budapeştə yollanacayıq. Hazırlıqlar sabahdan etibarən böyük ölçüdə başlıyacaq. Mart ayında isə Gənclər və İdman Nazirliyinin dəstəyi ilə təlim-məşq toplanişlarımız planlaşdırılır. Son yarışımızda ölkə üzrə ən çox qızıl medal bizdə olduğu üçün kuboku da vətənə gətirmişdik. Ölkəmizə bu idman növü çox yaddı, lakin belə uğurlar əldə etmək həqiqətən fəxr edicidir".

Fərid Allahverdiyev 2025-ci ildə bu idmanın beşiyi Braziliyada baş tutacaq, yalnız peşəkarların mübarizə aparacağı nüfüzlü turnirdə isə iki azərbaycanlı idmançının iştirak edəcəyini vurğulayıb :

"2025-ci ildə Braziliyada olacaq yarış isə Azərbaycan Kapoeyrası üçün ilk və əhəmiyyətli turnir keçiriləcək. Həmin yarışa isə mən və həmkarım Fərid Səlimov vəsiqəni təmin etmişik. Bu yarışda dünyanın ən güclü idmançıları iştirak edəcək. Hansı ki, TVdən izlədiyimiz idmançılar orada olacaq. Lakin buna baxmayaraq, əlimizdən gələnin ən yaxşısını edəciyik və növbəti dəfə qızıl mükafatı əldə edəciyik".