Coy Lens Mikels : "Bu xəbəri alanda şok yaşadım"

90deqiqe.az xəbər verir ki, bu sözlər "Sabah" klubunun sabiq üzvü, hazırda Səudiyyə Ərəbistanı Pro Liqasında mübarizə aparan "Əl-Feysal" klubunda oynayan Coy Lens Mikelsə aiddir. O, Murad Musayevin Masazır klubundan ayrılmasına çox təəsüfləndiyini və bu xəbəri alanda şok yaşadığını dilə gətirib. 

"Səhər oyanıb bu xəbəri alanda şok yaşadım. Hələ ki Murad Musayevlə əlaqə saxlamamışam. Düşünürəm ki, ona bir qədər vaxt lazımdır, təklikdə qalmalıdır, amma onunla əlaqə saxlayıb uğurlar arzu etmək istəyirəm. O sabahla çox uğurlu mövsüm keçirdi, ötən il birlikdə çox gözəl anlar yaşadıq. Ancaq təəssüf ki, Sabah özüm daxil olmaqla əsas futbolçularını itirdi və belə zolağa düşdü, sonda  1-7 Qarabağa məğlub oldu. Çox üzüldüm və təəcübləndim Musayevin sabahdan gedişinə, lakin biz onun qərarına hörmətlə yanaşmalıyıq, bu, onun qərarıdır. Murad Musayev kimi bilikli məşqçi tapmaq klub üçün çox çətin olacaq, o mənim ən bəyəndiyim və rəğbət bəslədiyim baş məşqçidir. Ona və Sabah klubuna  uğurlar arzu edirəm, ümid edirəm, klub Musayev kimi yaxşı mütəxəssis tapacaq və həmin məşqçi Sabahı daha da yüksək yerlərə apara biləcək".

Qeyd edək ki, almaniyalı vinger cari mövsümün əvvəlində yollandığı "Əl-Feysal" klubunda 16 matçda meydanda olub və 3 qol, 3 assistlə yadda qalıb.