Andrey Zaurivik : "Növbəti yarışlarda daha yaxşı iştirak edecəyimə inanıram"

Qusar Olimpiya İdman Kompleksində "Quba - İdman paytaxtı 2024" layihəsi çərçivəsində və 2 fevral - Azərbaycan Gəncləri günü münasibəti ilə üzgüçülük üzrə turnir keçirilib. Tədbirdə Milli Məclisin deputatı, Quba-Xaçmaz Regional Gənclər və İdman İdarəsinin rəsmiləri, Quba və Qusar rayon icra hakimiyyətlərinin məsul şəxsləri iştirak ediblər.

90deqiqe.az xəbər verir ki, hazırda Qusarda yaşayan ukraynalı idmançı Andrey Zaurivik də yarış barədə təəsüratlarını bildirib:

“Əvvəlcə Bakıya gəlmişdik. İki aydır ki Qusardayıq. Buranın təbiiəti daha çox xoşuma gəlir, havası da təmizdir. Yarışa gəldikdə onu deyə bilərəm ki, mənim üçün uğurlu alınmadı, medala əldə edə bilmədim. Amma bu mənim üçün motivasiya olacaq. Növbəti yarışlarda daha yaxşı iştirak edecəyimə inanıram”.

Qeyd edək ki, yarışda mükafatlandırma mərasimi keçirilib. “Qusar-1” komandası medalların daha çox hissəsinə sahib çıxıb.