Kazbek Tuayev: “Samir Abasov “Neftçi”ni dirçəldəcək”

“Samir Abasova həm futbolçu, həm də məşqçi kimi simpatiyam olub. O, ölkəmizdə savadlı gənc mütəxəssislərdəndir. Onun “Neftçi”yə təyinatını dəstəkləyirəm”.

Bu sözləri 90deiqiqe.Az-a açıqlmasında yığmamızın və “Neftçi”nin sabiq baş məşqçisi Kazbek Tuayev deyib.

83 yaşlı veteran futbolçu Samir Abasovun “ağ-qaralar”ın sükanı arxasına keçməsini müsbətə doğru dəyişiklərlə nəticələnəcəyi düşüncəsindədir:

“Samir müəllim vaxtilə “Neftçi”də baş məşqçi olub və onun iki mövsüm komandanın sükanı arxasında olması uğurla alınıb. Belə ki, o, ilk mövsümündə komandanı çoxları gözləmədiyi halda çempion, növbəti il isə vitse-çempion edib. Bu son illərdə komandanın tarixində yeganə yaxşı göstəricidir. Samir Abasov baş məşqçi postuna yenidən irəli çəkilməsi hazırkı “Neftçi” rəhbərliyinin yeganə düzgün addımıdır. Samir müəllimə işində uğurlar arzu edirəm. O, çətin məsuliyyətin altına girsə də, işinin öhtəsindən gələcəyinə əminəm. Samir Abasov “Neftçi”ni bataqlıqdan çıxarıb düzgün relsə salacaq və uğura aparacaq”.

ABDULLA İSMAYILOĞLU