“Feyenoord”un baş məşqçisi Dik Advokat bu mövsümün sonunda karyerasını başa vuracaq.
Corner.az xəbər verir ki, bu barədə sözügedən klubun rəsmi saytı məlumat yayıb.
73 yaşlı mütəxəssis özü də açıqlama verib və bu dəfəki qərarının qəti olduğunu söyləyib:
“Bilirəm ki, belə bir qərarı öncə də vermişdik. Amma indi buna şübhə etməyə bilərsiniz. Qarşıdakı bir neçə ay mənim uzun və gözəl karyeramın sonudur. “Feyenoord” karyeramı başa vurmaq üçün əla yerdir. Ümid edirəm və inanıram ki, bu mövsümü uğurla başa vuracağıq”.
Xatırladaq ki, Dik Advokat həl “Fənərbaxça” klubunu çalışdırarkən, 2017-ci ildə karyerasını bitirəcəyini söyləsə də daha sonra Niderland yığmasında, həmçinin “Sparta” və “Utrext”də çalışıb. 2019-cu ilin oktyabrından isə o, “Feyenoord”u çalışdırır.
