Ayaks 22 milyonluq yeni transferini heyətə salmadı

"Ayaks"ın yeni transferi Sebastyan Alleni səhvən Avropa Liqasının matçları üçün iştirak ərizəsinə daxil etməyib.

Corner.az yerli mətbuata istinadən xəbər verir ki, Amsterdam təmsilçisi UEFA-ya 25 futbolçudan ibarət siyahı göndərib.

İştirak ərizəsinə 27 yaşlı hücumçunun adı daxil edilməyib. "Ayaks" hazırda bu səhvi aradan qaldırmağa çalışır.

Qeyd edək ki, Sebastyan Alle bu ilin yanvarında 22,5 milyon avro qarşılığında "Vest Hem"dən transfer olunub.

O, Amsterdam təmsilçisinin tarixində ən bahalı transferdir. Komanda Avropa Liqasının 1/16 finalında "Lill" klubu ilə üz-üzə gələcək. İlk oyun fevralın 18-də, cavab qarşılaşması isə bir həftə sonra gerçəkləşəcək.