Niderland Kubokunun qalibi bəlli oldu

 Niderland Kubokunun final oyunu keçirilib.

Corner.az-ın məlumatına görə, həlledici matçda Ayaks və Vitess klubları üz-üzə gəlib.

Qarşılaşma Amsterdam təmsilçisinin qələbəsi ilə yekunlaşıb - 2:1.

Hesabı 23-cü dəqiqədə "Ayaks"ın yarımmüdafiəçisi Rayan Qravenberx açıb. Bundan 8 dəqiqə sonra "Vitess"in hücumçusu Lua Openda bərabərlik qolunu vurub. 85-ci dəqiqədə onun komanda yoldaşı Yakob Rasmussen qırmızı vərəqə alaraq meydandan qovulub.

"Ayaks" isə say üstünlüyündən 90+1-ci dəqiqədə yararlanmağı bacarıb. David Neres fərqlənərək, komandasına 20-ci dəfə Niderland Kubokunu qazandırıb.