Ozan Can məhsuldar ötürmə, komandasından heç-heçə

Futbol üzrə Niderland 2-ci liqasında 17-ci turun oyunları keçirilib.

Corner.az xəbər verir ki, Azərbaycan millisinin yarımmüdafiəçisi Ozan Can Kökçünün çıxış etdiyi “Telstar” da növbəti oyununa çıxıb.

Sözügedən kollektiv səfərdə “Oss”un qonağı olub. Futbolçumuzun komandası bu oyundan heç-heçə ilə ayrılıb – 1:1.

Ozan da bu matçın iştirakçısı olub. O, 46-cı dəqiqədə meydana buraxılıb. Komandasının 51-ci dəqiqədə vurduğu bərabərlik qolunun məhsuldar ötürməsini də məhz 23 yaşlı azərbaycanlı futbolçu verib.

“Telstar” 17 oyuna topladığı 18 xalla 20 kollektiv arasında 16-cı pillədə qərarlaşıb.