Niderland kubokunda 1/16 final mərhələsinin oyunları keçirilir. Corner.az xəbər verir ki, Azərbaycan millisinin üzvü Ozan Can Kökcünün formasını geyindiyi “Telstar” da bu turnirdə növbəti matçına çıxıb.
Sözügedən kollektiv doğma meydanda “Spakenburq”u qəbul edib. Qarşılaşmanın əsas vaxtında qalib müəyyənləşməyib – 3:3. Əlavə vaxtda rəqib qapısından daha iki qol keçirən “Telstar” 5:3 hesabıyla qələbə qazanaraq 1/8 finala yüksəlib.
Ozan da bu görüşün iştirakçısı olub. O, komandasının start heyətində meydana çıxıb və 81-ci dəqiqədə əvəzlənib.
