- Niderland E.D.
- 20:48 09.08.2026
PSV-nin futbolçusu Devi Prepper karyerasını başa vurmağa qərar verib.
Corner.az xəbər verir ki, bu barədə 30 yaşlı yarımmüdafiəçi çıxış etdiyi PSV klubunun mətbuat xidmətinə açıqlamasında futbola həvəsinin olmadığı üçün bu addımı atdığını deyib. O, pandemiya dönəminin təsirinə düşdüyü üçün futbolçu karyerasını başa vurduğunu açıqlayıb.
Karyerası ərzində PSV-dən başqa, Niderlandda “Ayaks”, “Vitess”, İngiltərədə “Brayton” kimi klublarda çıxış edən Prepper, Niderland yığmasında 17 oyuna çıxıb.
