Ayaks komadan ayılan sabiq futbolçusuna təzminat ödəyəcək

Niderlandın "Ayaks" klubu sabiq futbolçusu Abdelhak Nuriyə 7,85 milyon avro təzminat ödəyəcək.

Corner.az xəbər verir ki, Amsterdam təmsilçisi 2017-ci ildə Almaniya "Verder"inə qarşı yoldaşlıq matçında infarkt keçirərək huşunu itirən 24 yaşlı yarımmüdafiəçinin ailəsi ilə uzun müddət davam edən danışıqlardan sonra bu qərarı verib.

Paytaxt klubu həmin hadisədən sonra komaya düşən mərakeş əsilli oyunçu ilə müqaviləni 2020-ci ildə ləğv etmişdi. "Ayaks" sözləşməyə vaxtından əvvəl xitam verdiyi üçün Nuriyə kompensasiya ödəməyə razılıq verib.

Qeyd edək ki, Abdelhak Nuri komadan 2 il 8 ay sonra ayılıb.