Futbol üzrə Niderland 2-ci liqasında 35-ci turun oyunları keçirilib. Corner.az xəbər verir ki, Azərbaycan millisinin yarımmüdafiəçisi Ozan Can Kökçünün şərəfini qoruduğu “Telstar” da növbəti oyununa çıxıb.
Sözügedən kollektiv səfərdə “Venlo"nun qonağı olub. Futbolçumuzun komandası bu oyunda məğlubiyyətlə üzləşib - 2:3.
Ozan da bu matçın iştirakçısı olub. O, start heyətdə meydana çıxıb və sonadək mübarizə aparıb. Yarımmüdafiəçi 82-ci dəqiqədə sarı vərəqə ilə də cəzalanıb.
“Telstar” 35 oyuna topladığı 35 xalla 20 kollektiv arasında 16-cı pillədə qərarlaşıb.
