Futbol üzrə Niderland 2-ci liqasında 38-ci turun oyunları keçirilib. Corner.az xəbər verir ki, Azərbaycan millisinin yarımmüdafiəçisi Ozan Can Kökçünün çıxış etdiyi “Telstar” da növbəti oyununa çıxıb.
Sözügedən kollektiv səfərdə “Roda"mın qonağı olub. Futbolçumuzun komandası bu oyunda məğlubiyyətlə üzləşib - 3:4.
Ozan da bu matçın iştirakçısı olub. O, start heyətdə meydana çıxıb və 77-ci dəqiqədə əvəzlənib. Həmin vaxt 3:2 hesabıyla öndə olan “Telstar” qalan dəqiqələrdə 2 qol buraxmaqla ardıcıl dördüncü oyundan xalsız ayrılıb.
“Telstar” 38 oyuna topladığı 35 xalla 20 kollektiv arasında 19-cu pillədə qərarlaşıb.
