Futbol üzrə Niderland birinci divizionunda 5-ci turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv səfərdə “Breda”nın qonağı olub. Futbolçumuzun komandası bu oyundan heç-heçə ilə ayrılıb - 1:1.
Ozan da bu gün görüşün iştirakçısı olub. O, bu görüşə start heyətdə başlayıb və 57-ci dəqiqədə əvəzlənib. Komandasının yeganə qoluna da 42-ci dəqiqədə millimizin yarımmüdafiəçisi imza atıb. O, 55-ci dəqiqədə sarı vərəqə ilə də cəzalanıb.
“Eyndhoven” 5 oyuna topladığı 13 xalla 20 kollektiv arasında 2-ci pillədə qərarlaşıb.
