Futbol üzrə Niderland birinci divizionunda 6-cı turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv evdə “Maastrixt”i qəbul edib. Futbolçumuzun komandası bu oyundan qələbə ilə ayrılıb - 5:0.
Ozan da bu görüşün iştirakçısı olub. O, oyuna start heyətdə başlayıb və 73-cü dəqiqədə əvəzlənib. Komandasının 4-cü qolunu da 72-ci dəqiqədə millimizin yarımmüdafiəçisi vurub.
“Eyndhoven” 6 oyuna topladığı 16 xalla 20 kollektiv arasında 2-ci pillədə qərarlaşıb.
