Futbol üzrə Niderland birinci divizionunda 8-ci turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv səfərdə “Almere Siti”nin qonağı olub. Futbolçumuzun komandası bu oyundan heç-heçə ilə ayrılıb - 1:1.
Ozan da bu görüşün iştirakçısı olub. O, oyuna start heyətdə başlayıb və 63-cü dəqiqədə əvəzlənib.
“Eyndhoven” 8 oyuna topladığı 17 xalla 20 kollektiv arasında 2-ci pillədə qərarlaşıb.
