Futbol üzrə Niderland birinci divizionunda 9-cu turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv doğma meydanda “Dordrext”i qəbul edib. Futbolçumuzun komandası bu oyundan heç-heçə ilə ayrılıb - 1:1.
Ozan da bu görüşün iştirakçısı olub. O, oyuna start heyətdə başlayıb və 82-ci dəqiqədə əvəzlənib. Yarımmüdafiəçi 57-ci dəqiqədə sarı vərəqə ilə də cəzalanıb.
“Eyndhoven” hazırda 19 xalla 20 kollektiv arasında 3-cü pillədə qərarlaşıb.
