Futbol üzrə Niderland Birinci Divizionunda 16-cı turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv doğma meydanda “Telstar”ı qəbul edib. Futbolçumuzun komandası bu oyunda darmadağınla qələbə qazanıb – 3:0.
Ozan bu görüşün iştirakçısı olmayıb. Cari mövsümdə 4 qol vurmuş 23 yaşlı futbolçu hazırda Azərbaycan millisinin düşərgəsindədir.
“Eyndhoven” 16 oyuna topladığı 29 xalla 20 kollektiv arasında 4-cü pillədə qərarlaşıb.
