Futbol üzrə Niderland birinci divizionunda 17-ci turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv səfərdə “Qrafşap”ın qonağı olub. Futbolçumuzun komandası bu oyundan qələbə ilə ayrılıb - 2:1.
Ozan da bu görüşün iştirakçısı olub. O, 73-cü dəqiqədə meydana buraxılıb.
“Eyndhoven” hazırda 32 xalla 20 kollektiv arasında 4-cü pillədə qərarlaşıb.
