Futbol üzrə Niderland birinci divizionunda mövsümün sonuncu - 38-ci turunun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv səfərdə PSV-nin gənclərdən ibarət komandasının qonağı olub. Futbolçumuzun komandası bu oyundan heç-heçə ilə ayrılıb - 1:1.
Ozan da bu görüşün iştirakçısı olub. O, start heyətdə meydana çıxıb və 73-cü dəqiqədə əvəzlənib.
“Eyndhoven” mövsümü 58 xalla 20 kollektiv arasında 8-ci pillədə başa vurub. Bu da komandaya Erediviziyaya sonuncu vəsiqə uğrunda pley-off oyunlarına qatılmaq imkanı yaradıb.
