Həvəskar komandaya uduzan top-klub pulu geri qaytardı

Dekabrın 21-də “Ayaks” komandası sürpriz şəkildə Niderland kubokunun 1/16 matçında həvəskar komanda olan “Herkules” klubuna 2:3 hesabı ilə məğlub olub və mübarizəni dayandırıb.

90deqiqe.az xəbər verir ki, bu barədə “Foot Mercato”məlumat yayıb.Niderland klubu oyuna gələn "Ayaks" azarkeşlərinə məktub ünvanlayıb.

Oyundan bir gün sonra Utrextdəki “Galgenwaard” stadionuna gələn 325 azarkeşə bilet pulunun və səyahət xərclərinin geri qaytarılacağı ilə bağlı elektron məktublar göndərilib.

“Şübhəsiz ki, komandamızın “Herkules”lə oyundakı zəif çıxışını ağrılı qəbul etdiniz. Biz bu ağrını paylaşırıq və çox utanırıq. Qərara alınıb ki, bilet alan bütün səfər azarkeşlərinə pul qaytarılsın. Amma onu da başa düşürük ki, bu təzminat o ağrılı axşamın xatirələrini silməyəcək”