Henderson rəsmən Amsterdam klubunda

"Əl-İttifaq"ın yarımmüdafiəçisi Cordan Henderson karyerasını "Ayaks"da davam etdirəcək.

90deqiqe.az xəbər verir ki, ingilis futbolçu bu gün futbolçu Amsterdama uçacaq. Sabah tibbi müayinədən keçdikdən sonra yeni klubu ilə 2026-cı ilin iyununa qədər müqaviləyə qol çəkəcək.

Daha əvvəl Hendersonun Səudiyyə Ərəbistanında altı ayda nə qədər qazandığı bildirilmişdi.

Bundan əvvəl mediada Cordan Hendersonun Səudiyyə Ərəbistanında həyata uyğunlaşa bilməməsi ilə bağlı məlumatlar yayılmışdı. Bu baxımdan ingilis Avropaya qayıtmaq istəyirdi.

Henderson 2023-cü ilin yayında "Liverpul"dan Səudiyyə Ərəbistanı klubuna keçib. Onun müqaviləsi 2026-cı ilin yayında başa çatır. 33 yaşlı yarımmüdafiəçi “Əl-İttifaq”da 19 oyun keçirib, 5 məhsuldar ötürmə edib və 4 sarı vərəqə alıb. Səudiyyə Ərəbistanında bir ingilisin maaşı ildə 40 milyon avrodur.