"Ayaks" yeni baş məşqçisini açıqladı

"Nitsa"nın sabiq baş məşqçisi Françesko Farioli "Ayaks"ın rəhbərliyinə keçib.

90deqiqe.Az xəbər verir ki, bu barədə klubun mətbuat xidməti məlumat yayıb.

Maraqlıdır ki, 35 yaşlı mütəxəssis Amsterdam klubunun tarixində ilk italiyalı məşqçi olub.

Farioli 2023-2024-cü illərdə "Nitsa"ya rəhbərlik edib. Onun rəhbərliyi altında Fransa yığması Fransa çempionatı başa çatdıqdan sonra 55 xalla turnir cədvəlində beşinci yeri tutub. Mütəxəssis buna qədər Türkiyənin "Fatih Karagümrük" və "Alanyaspor" klublarında baş məşqçi vəzifəsində çalışıb.

"Ayaks" Hollandiya çempionatı başa çatdıqdan sonra 5-ci yerdə qərarlaşıb və 56 xal toplayıb. Paytaxt klubu 2000-ci ildən bəri ilk dəfə Erediviziyada ilk 4-lüyə düşə bilməyib və növbəti mövsüm Avropa Liqasında iştirak üçün seçmə oyunlarında çıxış edəcək.