Van Nistelroy Səudiyyə Ərəbistanına köçür? - özü açıqladı

Hollandiyanın PSV klubunun sabiq çalışdırıcısı Ruud van Nistelroy karyerasını harada davam etdirmək istədiyindən danışıb.

90deqiqe.Az xəbər verir ki, niderlandlı mütəxəssis Səudiyyə Ərəbistanı çempionatında işləməyi düşünmədiyini bildirib.

“Səudiyyə Ərəbistanı çempionatında işləmək üçün getmək? Məncə yox. İkinci addım mənim üçün çox vacibdir, mən necə bir mentor olduğumu bütün dünyaya göstərmək istəyirəm. Mən aydın inkişaf modeli olan kluba rəhbərlik etmək istəyirəm, onlar futbolda nə istədiklərini bilməlidirlər. Mənə irəliləmək istəyən komanda lazımdır. Bir şəkildə kömək edə bilsəm, əla olar”, - deyə “Marca” qəzeti hollandiyalının sözlərini yazır.

Xatırladaq ki, 47 yaşlı mütəxəssis 2022/2023 mövsümündə PSV-də çalışıb.