Van Persi ÇL-nın 1/8 finalına yüksələn komandaya rəhbərlik edəcək

"Feyenoord" Robin van Persini baş məşqçi təyin etmək üçün danışıqlar aparır.

90deqiqe.Az xəbər verir ki, Niderland klubu sabiq hücumçunu baş məşqçi postuna təyin etməyə yaxındır.

Cümə axşamı tərəflərin bütün şərtləri razılaşdıracağı gözlənilir, bundan sonra sövdələşmə rəsmən təsdiqlənəcək.

Robin van Persi "Feyenoord"da bir müddət əvvəl qovulmuş Brayan Priski əvəz edəcək.

41 yaşlı mütəxəssis hazırda "Heerenveen"də çalışır, lakin görünür, tezliklə iş yerini dəyişəcək.

Xatırladaq ki, Rotterdam komandası pley-off mərhələsinin ilk mərhələsində iki oyunun cəminə görə “Milan”ı geridə qoyaraq Çempionlar Liqasının 1/8 finalına yüksəlib.