"Valideynlərim məni uşaq evinə göndərmişdilər indi isə..."

PSV klubunun hücumçusu Lukas Peres onu iki yaşında uşaq evinə göndərən valideynləri ilə çətin münasibətindən danışıb.

90deqiqe.Az xəbər verir ki, “Marca” qəzeti ispan oyunçunun dediklərini belə çatdırıb.

“İki yaşım olanda məni uşaq evinə verdilər, indi də pulum üçün yanıma gəliblər. Atam ömür boyu ona aliment ödəməyi tələb edib. PSV-yə dedim ki, ilk növbədə bu problemləri həll etməliyəm və klub səbirli oldu”

Fevralın 23-də PSV azad agent olan 36 yaşlı hücumçu ilə müqavilə imzalayıb. İspaniyalının əvvəlki klubu İspaniya Sequndasında çıxış edən "Deportivo" olub.