PSV turun son oyununda "Sparta"nı məğlub edərək Niderland çempionu olub

Niderlandın PSV komandası Erediviziyanın 34-cü turunun matçında "Rotterdam Sparta"sını məğlub edərək ölkə çempionu olub.

90deqiqe.Az xəbər verir ki, "Sparta Het Kasteel" stadionunda baş tutan görüşdə Eyndhoven komandası rəqibinə 3:1 hesabı ilə qalib gəlib.

27-ci dəqiqədə PSV-nin yarımmüdafiəçisi İvan Perişiç hesabı açıb. 52-ci dəqiqədə “Sparta”nın futbolçusu Givai Zeçiel cavab qolunu vurub. Altı dəqiqə sonra hücumçu Luuk de Yonq qonaqları yenidən hesabda irəli çıxarıb. 84-cü dəqiqədə Malik Tillman meydan sahiblərinin qapısına 3-cü qolu vurub.

PSV 79 xalla çempionatı birinci yerdə başa vurub. Komanda ikinci pillədə qərarlaşan "Ayaks"ı 1 xal qabaqlayıb. "Sparta" 39 xalla 12-ci yerdədir.