Farioli çempionluğu əldən verdikdən sonra "Ayaks"ı tərk edib

Françesko Farioli Niderland çempionatı başa çatdıqdan sonra "Ayaks"ın baş məşqçi postunu tərk etmək qərarına gəlib.

90deqiqe.Az xəbər verir ki, bu barədə Amsterdam komandasının mətbuat xidməti məlumat yayıb.

Xatırladaq ki, “Ayaks” mövsümün sonuna beş tur qalmış ikinci pillədəki PSV-ni on xal qabaqlasa da, ölkə çempionu ola bilməyib.

34 turdan sonra "Ayaks" 78 xalla Erediviziyanın turnir cədvəlini ikinci pillədə başa vurub. 36 yaşlı Farioli 2024-cü ilin iyul ayından "Ayaks"a rəhbərlik edir. Bundan əvvəl məşqçi "Nitsa", "Alanyaspor" və digər klublarda çalışıb.