Erik ten Haq "Ayaks"a qayıdır?

"Ayaks" klubu Erik ten Haqın baş məşqçi postuna qayıtması ehtimalını dəyərləndirir.

90deqiqe.Az xəbər verir ki, Amsterdam təmsilçisi 55 yaşlı mütəxəssisin komandaya yenidən rəhbərlik etməsi üçün onun nümayəndəsi ilə danışıqlara start verib.

Cari mövsümdə PSV-dən 10 xal geri qalan "Ayaks" çempionluq mübarizəsindən uzaq düşüb. Bu səbəbdən baş məşqçi Françesko Farioli öz istəyi ilə klubdan ayrılıb və komanda hazırda məşqçisiz qalıb.

Erik ten Haq 2017-ci ildən 2022-ci ilə kimi "Ayaks"a rəhbərlik edib. O, komandanı 2 çempionluq tituluna gətirib çıxarıb, bundan sonra "Mançester Yunayted"ə keçib və hazırda işsizdir. Bu namizədlə yanaşı, “Ayaks” rəhbərliyi “Go Ahead Eagles”dən Paulo Simonisə də baxır.