- Niderland E.D.
- 19:20 02.12.2025
Niderland millisinin və “Liverpul”un sabiq futbolçusu Dirk Kuyt baş məşqçi kimi fəaliyyətini davam etdirəcək.
90deqiqe.Az xəbər verir ki, 43 yaşlı mütəxəssis “Dordrecht” klubu ilə müqavilə imzalayıb. Niderland 1-ci divizion təmsilçisi onunla 2026-cı ilin yayına qədər əməkdaşlıq edəcək.
“Dordrecht”in rəsmi saytına danışan Kuyt bunları deyib: “Yeni macəra üçün çox həyəcanlıyam. Son illərdə klubun sabitləşdiyini, gənc oyunçulara şans verərək hücum futboluna üstünlük verdiyini görmək olur. İşə başlamaq üçün səbirsizlənirəm”.
Qeyd edək ki, Dirk Kuyt son olaraq “ADO Den Haaq”a rəhbərlik edib.
