- Niderland E.D.
- 23:21 15.03.2026
"Ayaks" klubunun texniki direktoru Aleks Kruz və idman direktoru Marin Beker Niderland çempionatının 6-cı turu çərçivəsində PSV ilə matçdan sonra azarkeşlərin hücumuna məruz qalıblar.
90deqiqe.Az-ın "De Telegraaf"a istinadən məlumatına görə, hadisə Eyndhoven şəhərindəki "Filips" stadionunun bir pilləkənliyində baş verib. Kruz ayağından zərbə alarkən, Beker isə bədəninə yumruqla vurulub. PSV dərhal tədbir görərək, hücumu törədən iki şəxsin abunəliklərini dayandırıb və ölkə üzrə stadionlara giriş qadağası qoyub. Hadisənin video materialları araşdırılır.
Eyni gün PSV təhlükəsizlik koordinatori vasitəsilə "Ayaks" rəhbərliyindən üzr istəyib və baş verən insidentə görə dərin təəssüfünü bildirib. "Ayaks" isə kolleqalarının operativliyini qeyd edərək, klub əleyhinə əlavə sanksiyaların tətbiqini tələb etməyəcəyini açıqlayıb.
