Ten Haqın yeni iş yeri bəlli oldu

Niderlandlı mütəxəssis Erik ten Haq karyerasını “Tvente” klubunda davam etdirəcək.

90deqiqe.Az xəbər verir ki, o, klubun texniki direktoru vəzifəsinə təyin olunub.

Rəsmi olaraq fevralın 1-dən etibarən vəzifəsinin icrasına başlayacaq ten Haq “Tvente” ilə 2028-ci ilin yayına qədər nəzərdə tutulan müqavilə imzalayıb.

Qeyd edək ki, Erik ten Haq “Tvente”nin yetirməsidir. O, futbolçu karyerası ərzində 1989–1990 və 1996–2002-ci illərdə bu klubun formasını geyinib. Mütəxəssis məşqçilik yolunda da ilk addımlarını məhz Ensxedə təmsilçisində atıb.

Ten Haqın son iş yeri Almaniyanın “Bayer” (Leverkuzen) klubu olub və o, burada baş məşqçi vəzifəsində çalışıb. Bundan əvvəl isə mütəxəssis “Mançester Yunayted” və “Ayaks” klublarını çalışdırıb.