Zinçenko PSV ilə bağlı yayılan iddialara cavab verdi

Ukrayna millisinin yarımmüdafiəçisi Aleksandr Zinçenko sosial şəbəkələrdə PSV klubunu izləməməsi ilə bağlı səsləndirilən ittihamlara münasibət bildirib.

90deqiqe.Az xəbər verir ki, futbolçu qeyd edib ki, uzun müddətdir klubun rəsmi hesabına abunə deyil və PSV ilə bağlı paylaşımları da xeyli əvvəl silib. Onun sözlərinə görə, bu addımlar "Ayaks"a mümkün transferlə heç bir əlaqə daşımır:

“Mən onların hesabına çoxdan abunə deyiləm. Köhnə fotoları isə xeyli əvvəl silmişəm. Bu, indiki hadisələrlə bağlı deyil və tamamilə cəfəngiyyatdır”, – deyə Zinçenko sosial şəbəkədə yazıb.