“Ayaks”ın yeni baş məşqçisi müəyyənləşdi

Niderlandın “Ayaks” klubu baş məşqçi postuna yeni təyinat etməyə hazırlaşır.

 90deqiqe.Az xəbər verir ki, bu barədə tanınmış futbol insayderi Fabritsio Romano məlumat yayıb.

Mənbənin bildirdiyinə görə, Amsterdam təmsilçisinin yeni çalışdırıcısı ispaniyalı mütəxəssis Miçel Sançes olacaq. Tərəflər arasında prinsipial razılıq əldə olunub və yaxın günlərdə rəsmi müqavilənin imzalanacağı gözlənilir.

50 yaşlı məşqçi son olaraq İspaniyanın “Jirona” klubuna rəhbərlik edib. Lakin komanda başa çatan mövsümdə uğursuz çıxış edərək ölkənin II Liqasına yuvarlanıb.

Qeyd edək ki, “Ayaks” rəhbərliyi yeni mövsüm öncəsi komandanın yenidən ölkə futbolunun zirvəsinə qayıtması və Avropada iddialı çıxış etməsi üçün Miçel Sançesə etimad göstərib.