"Feyenoord" baş məşqçi postuna Van Bronkhorstu qaytardı

Niderlandın "Feyenoord" klubu baş məşqçi postuna yeni təyinatı rəsmən açıqlayıb.

90deqiqe.Az xəbər verir ki, Rotterdam təmsilçisini yenidən Canni van Bronkhorst çalışdıracaq.

Təcrübəli mütəxəssislə 2 illik müqavilə imzalanıb. Sazişdə əlavə bir il uzadılma opsiyası da yer alır.

Qeyd edək ki, Van Bronkhorst futbolçu kimi də "Feyenoord"un formasını geyinib. O, daha əvvəl klubda müxtəlif vəzifələrdə çalışıb – əsas komandanın məşqçilər korpusunda, gənclər komandasında və 2015–2019-cu illərdə isə birbaşa əsas komandanın baş məşqçisi kimi fəaliyyət göstərib.

Xatırladaq ki, ötən mövsüm Niderland Erediviziyasında "Feyenoord" ikinci yeri tutaraq Çempionlar Liqasının ümumi mərhələsinə vəsiqə qazanıb. Buna baxmayaraq, klub rəhbərliyi baş məşqçi postunda dəyişiklik edərək Robin van Persi ilə yollarını ayırıb.