Filip Kostiç "Yuventus"dan ayrılıb PSV-yə keçdi

Serbiyalı futbolçu Filip Kostiç karyerasını Niderlandda davam etdirəcək.

90deqiqe.Az-ın məlumatına görə, PSV klubu 33 yaşlı sol cinah müdafiəçisi ilə ikiillik müqavilə imzalayıb.

Beləliklə, Kostiç "Yuventus"la yollarını ayıraraq 12 ildən sonra yenidən Niderland çempionatında çıxış edəcək.

Təcrübəli futbolçu karyerası ərzində "Radniçki", "Ştutqart", "Qroningen", "Hamburq", "Ayntraxt" (Frankfurt), "Yuventus" və "Fənərbağça"nın formasını geyinib.

PSV-nin rəsmi saytına danışan serbiyalı futbolçu yeni klubuna keçidindən məmnunluğunu ifadə edib:

"Bu transferə görə çox xoşbəxtəm. Peter Bosla söhbət etdikdən sonra bura gəlmək istəyim daha da artdı".