PSV səfərdə “Ekselsior”u məğlub etdi

Niderland çempionatının növbəti turunda “Ekselsior” doğma meydanda PSV-ni qəbul edib.

90deqiqe.Az xəbər verir ki, Eyndhoven təmsilçisi səfərdə 2:1 hesablı qələbə qazanaraq üç xala sahib olub.

PSV oyuna fəal başlayıb və artıq 5-ci dəqiqədə hesabı açıb. Ruben van Bommel meydan sahiblərinin qapısına yol taparaq komandasını önə keçirib.

“Ekselsior” ilk hissənin sonunadək hesabı bərabərləşdirməyə çalışsa da, istəyinə çata bilməyib.

İkinci hissənin əvvəlində meydan sahibləri hesabı bərabərləşdiriblər. Kasper Videll ev sahiblərinin qələbəyə ümidlərini artırıb.

Lakin PSV matçın sonlarına yaxın yenidən fərqlənərək üstünlüyü ələ alıb. Rikkardo Pepi Eyndhoven klubuna üç xal qazandıran qola imza atıb.

“Ekselsior” hesabı ikinci dəfə bərabərləşdirə bilməyib və PSV minimal üstünlüyünü final fitinə qədər qoruyaraq səfər qələbəsini rəsmiləşdirib.