“Ayaks” “Villem II”ni darmadağın etdi

Niderland çempionatında növbəti turun oyununda “Ayaks” klubu doğma meydanda “Villem II”ni qəbul edib.

90deqiqe.Az-ın məlumatına görə, qarşılaşmaya fəal başlayan meydan sahibləri hesabı yalnız 41-ci dəqiqədə aça biliblər. Deyvi Klassen “Ayaks”ı önə keçirib. İlk hissənin sonlarına yaxın Julian Brandt fərqlənərək komandasının üstünlüyünü iki topa çatdırıb.

İkinci hissədə də hücumlarını davam etdirən “Ayaks” 69-cu dəqiqədə hesabı 3:0 edib. Bu dəfə Viktor Tsyhankov adını tabloya yazdırıb. Beş dəqiqə sonra Oskar Qlyux dəqiq zərbə ilə fərqlənərək fərqi daha da artırıb.

“Villem II” 78-ci dəqiqədə Alessandro Siraninin qolu ilə təsəlli tapıb. Lakin görüşdə son sözü “Ayaks” deyib. Kasper Dolberq matçın yekun hesabını müəyyənləşdirib.

Beləliklə, “Ayaks” 13 xal toplayaraq turnir cədvəlinin 4-cü pilləsinə yüksəlib. “Villem II” isə 2 xalla 17-ci sırada qərarlaşıb.