PSV doğma meydanda qələbəni əldən verdi

Niderland çempionatının 10-cu turunda PSV ilə “Feyenoord” arasında keçirilən qarşılaşma 1:1 hesabı ilə başa çatıb.

90deqiqe.Az-ın məlumatına görə, meydan sahibləri 21-ci dəqiqədə Qus Tilin vurduğu qolla hesabı açıblar. Bu qoldan sonra “Feyenoord” hücumlarını gücləndirərək bərabərlik qolunu vurmağa çalışıb.

Qonaqlar fasilədən sonra istəyinə çatıb. Anis Hac Musa 54-cü dəqiqədə PSV-nin qapısına yol taparaq hesabı bərabərləşdirib.

Qarşılaşmanın qalan dəqiqələrində hər iki komanda qələbə qolunu vurmağa çalışsa da, hesab dəyişməyib və tərəflər hərəyə bir xalla kifayətləniblər.