“Feyenoord” son dəqiqələrdə qələbəni əldən verib

Niderland Erediviziyasının XI turunda “Feyenoord” doğma meydanda “Fortuna” ilə qarşılaşıb.

90deqiqe.Az-ın məlumatına görə, Rotterdam təmsilçisi uzun müddət hesabda öndə olsa da, görüş 1:1 hesablı heç-heçə ilə yekunlaşıb.

İlk hissədə komandalar fərqlənə bilməyiblər. Fasilədən sonra fəallaşan meydan sahibləri 59-cu dəqiqədə hesabı açıblar. Luçano Valente topu “Fortuna”nın qapısından keçirərək “Feyenoord”u önə çıxarıb.

Qoldan sonra qonaqlar hesabı bərabərləşdirmək üçün hücumlarını artırıblar. “Fortuna”nın səyləri matçın sonlarına yaxın nəticə verib. 86-cı dəqiqədə Şaylo 't Zand fərqlənərək hesabı bərabərləşdirib.

Beləliklə, tərəflər XI tur matçından hərəyə bir xalla ayrılıblar.