PSV “Kambur”u darmadağın etdi

Niderland çempionatının 12-ci turunda PSV səfərdə “Kambur”la qarşılaşıb.

90deqiqe.Az-ın məlumatına görə, Eyndhoven təmsilçisi rəqibini 5:2 hesabı ilə məğlub edib.

Qonaqlar matça sürətli başlayıblar. Sven Meynans ilk dəqiqədə hesabı açıb, 15-ci dəqiqədə isə dublunu rəsmiləşdirib. Bundan dörd dəqiqə sonra Ruben van Bommel PSV-nin üstünlüyünü üç topa çatdırıb.

“ Kambur” fasiləyə az qalmış fərqi azaldıb. Nikki Sauren 41-ci dəqiqədə fərqlənərək meydan sahiblərinə ümid verib.

İkinci hissədə, 78-ci dəqiqədə İvan Henstra və Rafiq Əl Arquiuinin iştirak etdiyi hücum “Kambur”un ikinci qolu ilə nəticələnib. Lakin meydan sahiblərinin sevinci cəmi iki dəqiqə çəkib. Meynans 80-ci dəqiqədə üçüncü qolunu vuraraq het-trik edib. Oyunda son nöqtəni isə Ayoni Santos qoyub.