Kobe Bryantın adı əbədiləşdiriləcək

Helikopter qəzasında dünyasını dəyişən amerikalı basketbolçu Kobe Bryantın adı əbədiləşdiriləcək.

Corner.az xarici KİV-lərə istinadən xəbər verir ki, bu barədə İtaliyanın Redco-Emiliya şəhərinin meri Luka Vekki Feysbuk hesabında məlumat verib.

Onun sözlərinə görə, həmin şəhərdə meydanlardan birinə əfsanəvi basketbolçunun adı veriləcək. Vekki Bryantın uşaq ikən Redco-Emiliyada yaşadığını və yerli basketbol klubunun şərəfini qoruğunu söyləyib.

Xatırladaq ki, helikopter qəzası nəticəsində Kobe Bryant və onun 13 yaşlı qızı Cianna ilə birlikdə 9 nəfər vəfat edib.