- Offside
- 17:18 23.11.2024
"Neftçi" klubunun keçmiş futbolçusu Vitali Xluçin dünyasını dəyişib.
Corner.az klubun mətbuat xidmətinə istinadən xəbər verir ki, veteran yarımmüdafiəçi 80 yaşında vəfat edib.
"Neftçi" yayımladığı başsağlığı mesajında V.Xluçinin vəfatından kədərləndiyini bildirir, mərhumun ailəsinə və Azərbaycan futbol ictimaiyyətinə dərin hüznlə başsağlığı verir.
Allah rəhmət eləsin!
Qeyd edək ki, V.Xluçin 1959/1960, 1963/1964 və 1966-cı ildə "ağ-qaralar"ın formasını geyinib. Həmçinin o, "Polad" (Sumqayıt), "Araz" (Naxçıvan) klublarında da çıxış edib.
