Ronaldonun anası insult keçirdi

"Yuventus"un futbolçusu Kriştiano Ronaldonun anası Dolores Aveyrunun səhhətində problem yaranıb. 

Corner.az-ın "JM Madeira"ya istinadən verdiyi məlumata görə, 65 yaşlı qadın ötən gecə insult keçirərək təcili xəstəxanaya çatdırılıb. 

Həkimlərin təcili müdaxiləsi nəticəsində xəstəliyin ağır nəticəsinin qarşısı alınıb. Əgər alınmasaydı bu, nitqin çətinləşməsi və ifliclə nəticələnə bilərdi. 

Hazırda portuqaliyalı futbolçunun anası həkim nəzarəti altındadır. 

Qeyd edək ki, Kriştiano Ronaldo karyerasına "Sportinq" klubunda başlayıb. Hücumçu 2003 - 2009-cu illərdə "Mançester Yunayted"i, 2009 - 2018-ci illərdə "Real Madrid"də çıxış edib. O, 2018-ci ilin yayından "Yuventus"da çıxış edir.