- Offside
- 17:20 14.08.2026
'Mançester Yunayted”in sabiq futbolçusu, hazırda Çinin “Şandun Lunen” klubunda çıxış edən Maruan Fellaini koronavirusa yoluxub.
Corner.az xarici KİV-lərə istinadən xəbər verir ki, 32 yaşlı futbolçunun koronavirus testi müsbət çıxıb.
Belçikalı yarımmüdafiəçi Çin superliqasında koronavirusa yoluxan ilk futbolçu olub. Fellaini müalicə və izolyasiya üçün infeksion xəstəxanaya yerləşdirilib.
Qeyd edək ki, Fellaini 2019-cu ilin yayından “Şandun Lunen”ə transfer olunub.
