- Offside
- 13:25 24.11.2024
Azərbaycanın daha bir cüdoçusu koronavirusa yoluxduğu üçün Portuqaliyanın paytaxtı Lissabondakı Avropa çempionatını buraxır.
Corner.az Azərbaycan Cüdo Federasiyasının rəsmi saytına istinadən xəbər verir ki, 90 kq çəki dərəcəsində çıxış edən Məmmədəli Mehdiyevin testinin nəticəsi müsbət çıxıb.
Daha əvvəl Rüstəm Orucov (73 kq) və Davud Məmmədsoyun (60 kq) eyni səbəbdən qitə çempionatına qatılmayacağı bəlli olub.
Qeyd edək ki, Avropa çempionatına aprelin 18-də yekun vurulacaq. Azərbaycan yarışda 9 cüdoçu ilə təmsil edilir.
