Bolqarıstanın paytaxtı Sofiyada keçirilən U-15 Avropa çempionatında yunan-Roma güləşçilərinin mübarizəsinə yekun vurulub.
Corner.az xəbər verir ki, qitə birinciliyində ölkəmizi təmsil edən idmançılardan ikisi fəxri kürsüyə qalxıb.
Turan Daşdəmirov (38 kq) və Rinat Nuriyev (62 kq) Avropa çempionatını gümüş medalla başa vurub.
Qeyd edək ki, məsul yarışda beynəlxalq dərəcəli hakim Bəşir İsazadə ədaləti qoruyub.
