Koronavirus millimizi Polşaya göndərdi

Kişi voleybolçulardan ibarət Azərbaycan millisinin Polşadakı “Vaqner Memorial” turnirində iştirakının səbəbi məlum olub.

Corner.az xəbər verir ki, yığma turnirə sonradan dəvət olunub. Bu barədə Polşa mətbuatı məlumat yayıb. Məlumatda, daha əvvəl iştirakı təsdiqlənən Tunis millisinin bir neçə voleybolçusunun koronavirusa yoluxduğundan, komandanın Polşaya yollanmaqdan imtina etdiyi və səbəblə kollektivi Azərbaycan yığmasının əvəzlədiyi bildirilib.

Turnirdə Azərbaycan millisinin rəqibləri Misir, Norveç və ev sahibi Polşa olacaq. Yığma komanda ilk matçını bu gün Misirə qarşı keçirəcək. Görüş Bakı vaxtı ilə saat 17:00-da başlayacaq.