Tokio-2020: Azərbaycan boksçusu 1/4 finala vəsiqə qazanıb

Azərbaycanın daha bir boksçusu Tokio-2020 Yay Olimpiya Oyunlarında mübarizəyə başlayıb.

Corner.az-ın məlumatına görə, 81 kq çəki dərəcəsində yer alan Alfonso Dominges ilk görüşündə özbəkistanlı Dilşodbek Ruzmetovla üz-üzə gəlib.

Rəqibini 4:1 hesabı ilə məğlub edən Dominges 1/4 finala yüksəlib. O, bu raundda türkiyəli Bayram Malkanla qarşılaşacaq. Döyüş iyulun 30-da baş tutacaq.

Qeyd edək ki, Azərbaycan boksçularından daha əvvəl Cavid Çələbiyev (63 kq) və Məhəmməd Abdullayev (+91 kq) 1/8 finala vəsiqə qazanıb. Tayfur Əliyev (57 kq) və Lorenzo Sotomayor (69 kq) isə mübarizəni dayandırıb.