- Offside
- 13:25 24.11.2024
Azərbaycan Taekvondo Federasiyasının vitse-prezidenti Nağı Səfərova növbəti dəfə etimad göstərib.
Corner.az-ın məlumatına görə, Səfərov yenidən Avropa Taekvondo Birliyinin (ATB) İdarə Heyətinə üzv seçilib.
Türkiyənin İstanbul şəhərində baş tutan ATB-in növbəti Baş Assambleyasında qurumun prezidenti, vitse-prezidentləri və İdarə Heyəti yenidən formalaşıb. İdarə Heyətinin 14 üzvü arasında Səfərov da yer alıb.
Assambleyanın yekununa əsasən, növbəti dörd il Sakis Praqalos ATB-in prezidenti vəzifəsində fəaliyyətini davam etdirəcək. Antonino Barbarino isə baş katib vəzifəsinə təyin olunub.
